"Biolontxeloa beharrezkoa da oskestra baten barruan"

"Biolontxeloa beharrezkoa da orkestra baten barruan"

Aurten Euskadiko Ikasleen Orkestran biolontxeloa joko duten hamar musikarietatik bat izango da Mikel Elgezabal gernikarra.

Gazte hasi zen Mikel Elgezabal (Gernika-Lumo, 1994) biolontxeloa jotzen. Aurten, Euskal Herrian zehar eta nazioartean ariko da instrumentu hori jotzen, Euskadiko Ikasleen Orkestrarekin. Atzo goizean jakin zuen orkestran jotzeko aukeratua izan dela, eta abenduaren hasieran izango du harekin lehen kontaktua, entseguak hasiko baitira. Francisco Escuderoren `Sueño de un bailarin´, Tchaikowskyren `Pezzo Caprizosso´ eta Dvorak-en Mundu Berriaren 9. sinfonia joko dituzte orkestrakoek. Gasteizen, Bilbon, Donostian eta Venezuelatik bira egiten ariko da, orkestra horrekin batera.
Biolontxeloa jotzeaz bizi daitekeelaren ustekoa da, eta ziurtasunez dio gainera. Hala ere, ez du etorkizunean larregi pentsatzen; «gaztea naiz, ikusi beharko da».

BERTSOLARI TXAPELKETA NAGUSIA

BERTSOLARI TXAPELKETA NAGUSIA URRIAK 3TIK ABENDUAK 13RA

Hauek dira egingo diren saioak:

Final-laurdenak
- Zestoa (urriak 3)
- Leitza (urriak 10)
- Bilbo (urriak 11)
- Uztaritze (urriak 17)
- Zarautz (urriak 18)
- Laudio (urriak 24)

Finalaurrekoak
- Bergara (azaroak 7)
- Gasteiz (azaroak 8)
- Tolosa (azaroak 14)
- Hendaia (azaroak 15)
- Gernika (azaroak 21)
- Iruñea (azaroak 22)
- Donostia (azaroak 29)
Finala
- Barakaldo (abenduak 13)

Azken saioko puntuazioak honakoak dira:

LEITZA

Bertsolaria	Puntuak
Etxahun Lekue	643
Ainhoa Agirreazaldegi	634
Iñigo Manzisidor "Mantxi"	621,5
Xabier Sukia	604
Ibon Ajuria	598,5
Iñigo Olaetxea	575

BILBO

Bertsolaria	Puntuak
Iñaki Zelaia	643
Julio Soto	639,5
Maddalen Arzallus	636,5
Amaia Agirre	631,5
Jexux Mari Irazu	599,5
Asier Otamendi	588

Informazio gehiago jakiteko honako helbidera sartu:

http://www.txapelketanagusia.eu/

Alakrana´-ko tripulazioaren senideak Auzitegi Nazionaleko presidentearekin batzartuko dira gaur

`Alakrana´-ko tripulazioaren senideak Auzitegi Nazionaleko presidentearekin batzartuko dira gaur

Abdu Willyren abokatua Fiskaltzarekin jarriko da harremanetan gaur goizean "irtenbideak proposatzeko"

`Alakrana´ atunontzi bermeotarran bahituta daudenen senideak 07:00etan abiatu dira Bilbotik Madrilera. Izan ere, gaur, 13:00etan Auzitegi Nazionaleko presidente Angel Juanesekin batzartuko dira. Espainian kartzelaratuta dauden bi piratak Somaliara bueltan eramateko dauden aukerei buruz galdetuko diote.

Senideak "itxaropentsu" abiatu dira Madrilera. Argi Galbarriatu ontziko kapitainaren arrebak "emaitzak lortzea espero dutela" esan du bidaia hasi aurretik. Jose Luis Rodriguez Zapatero Espainiako Gobernuko presidentearekin batzartzea eskatu dutela ere adierazi dute senideek.

kanporatzeak aske uztea ekarriko luke
Francisco Javier Diez Aparicio Abdu Willy kartzelaratuta dagoen ustezko pirataren abokatuak gaur goizean komunikabide bati azaldu bezala, berak "Espainian dauden bi piratak Somaliara kanporatzearen aldeko apustua egin du". Hala ere, haren hitzetan, "kanporatzeak bi piratak aske uztea ekarriko luke".

Kanporatzea Espainiako Gobernuaren esku dagoen neurria dela azaldu du eta hiru eguneko kudeaketa beharko luke. Estradizioa, berriz, "irreala" izango litzatekeela uste du Diez Apariciok, "epe luzerako irtenbidea litzateke. Zortzi edo bederatzi hilabeteko prozesua eskatuko luke".

Goizean zehar Auzitegi Nazionaleko Fiskaltzarekin harremanetan jarriko dela esan du "irtenbideak proposatzeko" asmoz.

Bost mila eurotan saldu da Mausintxa baserriko gazte irabazlearen erdia

Bost mila eurotan saldu da Mausintxa baserriko gazte irabazlearen erdia

Udaltzaingoaren arabera 105.000 lagun batu dira
Urriko azken asteleheneko azokaren baitan Elgoibarko (Gipuzkoa) Mausitxa baserriak irabazi du Idiazabal gaztaren lehiaketa. Calzada egoitzaren aldeko enkantean gazta erdiagatik bost mila euro oirdaindu ditu Bilboko Porrue jatetxeak, iaz baino mila euro gehiago hain zuzen ere. Horrela, enkantean behintzat ez da krisialdi ekonomikoaren zantzurik nabaritu. Salmentetan ere azokako saltzaileek ez dutela krisirik nabaritu nabarmendu du Iñaki Gorroño Eria arloko zinegotziak. Bere esanetan, eguraldi ona lagun iaz baino jende gehiago hurbiltzen ari da azokara. Azoka gunea Adolfo Uriostera eta San Juanera zabaltzerakoan asmatu egin dutela uste dute Udal arduradunek. Udaltzaingoaren arabera 105.000 lagun batu dira Gernika-Lumon. Horrez gain, ez dela inongo arazorik sortu diote udaltzainek.

Kale erasoak egin dituzte Ondarroan bariku gauez

Hiru banketxe eraso eta zabor edukiontziak erre dituzte
Caixa, Euskadiko Kutxa eta BBVA bankuen egoitzak eraso zituzten hainbat pertsonak bariku gauez, 23:30 aldera, Eusko Jaurlaritzako Herrizaingo Sailak jakitera eman duenez. Erasoaren ondorioz hainbat zabor edukiontzi ere erre ziren. Ondarroako Udal Kudeaketa Batzordeak "erasoa gaitzetsi eta kaltetutakoei elkartasuna adierazi" die ohar baten bidez.

Hona hemen Billabong Pro Mundakako bideo bat

Gertu da Surf Txapelketa

Billabong Pro Mundaka,ASP WCT zirkuituak Europan ospatzen duen proba garrantzitsuenetarikoa da.

I. madariaga
Billabong Pro Mundaka 09ko antolatzaileek jakitera eman dutenez, urriaren 5etik 17ra iraungo duen surf txapelketarako xehetasun guztiak prest dira dagoeneko. Urtero urtero, Mundakan ospatzen den Surf Txapelketa ospetsua, Asp World Championship Tourreko Munduko Titulua eskuratzeko geldialdi erabakitzailea da. Liga honetan, munduko 45 surflari onenak parte hartzen dute eta aurten, Mundakako txapelketan, 340,000 dolarreko diru-boltsa egongo da saritan.

Nondik norakoak
Aurten, Billabong Pro Mundaka, urriaren 5ean hasiko da tradizio bihurtu den ohorezko Aurreskuak ekitaldiari ofizialki hasiera eman ostean. Beti bezala, Txapelketa meteorologia iragarpenek baldintzatzen dute eta momentuz, itxaronaldi epea urriaren 5etik 17rakoak izango dela adierazi dute antolatzaileek.
Iaz, olatuak zirela eta, hondartza alternatiboa Sopela izan zen eta horrela izango da aurten ere. Surf Txapelketa Mundakan edo Sopelan ospatuko den erabakitzea, ASPko Lehiaketa Zuzendariaren eta parte hartuko duten surflari profesionalen bozeramailen esku egongo da.
Billabong Pro Mundakak ezinbesteko papera jokatzen du Asp World Championship Tourrean. Izan ere, iaz gertatu bezala, zirkuitua amaitzeko proba falta zirelarik, Mundakatik munduko txapelduna atera zen.

Parte-hartzaileak
Billabong Pro Mundaka 09an mundu mailako surfing-eko eliteak parte hartuko du. Horien artean, nazioartean ezagunak diren riders-ak batzuk daude: Joel Parkinson, Taj Burrow, Tiago Pires Kelly Slater eta Mixk Fanning besteak beste.
Horrez gain, ekitaldian hiru gondidatu berezi egongo dira: Billabong taldeko Hodei Collazo eta Marcos San Segundo zarauztarrak eta Dean Bown surf promesa australiarra.